HAZIRAAT DAR KHWAB YA ROHANI ISTAKHARA KA NAQSH:

 

 Essay pahlay mainay aap sab ko ek Kalma e Taiba ka Haziraat ka tareeqa bataya hain aur kaafi blog readers nay aazmaya aur bahot faeda hasil kiya aur eski mujay bhi behad khushi hain kiyu k mainay ye blog esi liye tayyar kiye hain ki chotay lekin asardar amaliyat ko share kiya jaen taki jo log khas amaliyat ka ilm nahi rakhtay hain wo bhi ba aasani faeda hasil kar paen aur apni mushkilat uljanay aur masaeeb ka duniyavi koshisho k sath sath rohani madad say hal hasil karay aur kuch had tak nuqsaani say bachay rahay kiyu k sirf duniyavi koshish say hamay kamyabi to hoti hain lekin kabhi kabhi uskay sath hamay kai dusri mushkilat bhi pesh aajati hain.ruhani madad laynay say ham aesi jahmato say bach jatay hain aur hamari gaibi imdad bhi hoti hain.

  khair main yahan ek behad chota sa tareeqa likh raha hun jisski madad say aap apnay har jaez sawal k jawab ba zariye khwab hasil kar paengay aur rohani rahnumayi bhi hasil hogi insha Allah.

koi bhi mazhab o millat ka insan esko kar sakta hain.

  TAREEQA yun hain ki es naqsh ko zafran w gulab jal ko mila kar siahi tayyar kar sufaid kagaz par  likha jaen.agar zafran aur gulab jal say na likh paen to orange sketch pen say likhay aur likhtay waqt kisi say bat nahi karni hain aur dil may apnay maqsad ko rakhtay huvay kalma e shahadat ka ye juz parhtay rahay....

لا إله إلا الله

La ilaha illallah

  jab naqsh likh chukay to nichay apna maqsad apni madri zuban may likhay....yun....

  A es Naqsh k firishtagaan,muakkilan aur khuddam tumhay Kalma e Shahadat ka wasta hain main fulan mamlat may rahbari chahta hun mujay khwab may eska hal bataye.

  ya fulan mamlat may ye janna chahta hun ki meray liye wo kam karna faydaymand hain ya nahi?

etc.

  phir es naqsh par 165 martba La ilaha illallah parh kar dam karay, awwal o aakhir 11-11 martba koi bhi durood parha jaen.

  Aur phir es naqsh ko akhushbudar Agarbatti ki dhuni day kar rakhlay aur rat ko pak saaf bistar par pak saaf libas pahan kar bawuzu sona hain.es naqsh ko bagair moday huvay ya pack kiye huvay khula apnay takiye k nichay ya takiya k andar rakh kar qibla ru chehra kar k kalma e shahadat ko parhtay huvay so jaen.agar aap chahay to kisi polithyne ki transprant choti bag may es naqsh ko rakh kar takiya k nichay rakh saktay hain.

  insha Allah awwal shab may hi aapko rahnumayi mil jaegi jawab bata diya jaega aur barhay ajib tareeqay k khwab bhi dekhaengay.lekin wo aap samj jaengay ki eska maena kiya hain aapko kisi say eski tabeer laynai ki bhi zaroorat nahi parhaegi.

  Agar awwal shab kamyabi na ho ya itminan na ho to dusray din wo hi naqsh estemal karay es naqsh ki had 3 din hain.insha Allah 3 din may kamyabi hasil ho hi jaegi.

 *Naqsh may jo blue rang k angrezi numbers hain wo chal samjanay k liye hain asli naqsh may nahi likhay jaengay...!

Rohani Amliyat Course: Jo Hazraat Rohani Amliyat Course Karna Chahtay Hain Wo Apni DeTail Name Birthdate City Country mail id aur facebook id send karay. Paid course hain. Course me Rohaniyat, Sharaeet w qawaneen e amaliyat w Chilla zakwat,ilm ul huroof,ilmul aadad ilmul najoom,ilmul jafar , ilmul asma,haziraat,taskheer,tashkhees w elaj amraz sikhaya jata hain. haziraat92@gmail.com facebook.com/amil.samarali

HAZIRAAT KALMA TAIBA

 

Ye haziraat har ek jaez sawal k jawab batati hain,lekin har jaez sawal k hi.riyazat k bad khulti hain aur sahih sahih jawab deti hain.

Tareeqa Riyazat ye hain ki nauchandi jumerat say rozana 11-11 martba durood e ibraheemi aur darmiyan may 

619 martba Kalma e Taiba Sharif parhay.

21 din tak riyazat karay.waqt muqrrar jo bhi aapkay liye fursat ka ho wo hi rakhlay.behtar hain bad namaz e isha.

21 din bad rozana 23 martba wird may rakha karay taki amal ki taseer barkarar rahay.

Jab bhi haziraat ki zaroorat ho kisi 8-12 saala bacha ya bachi ko gusal kar pak saf libas pahna kar uspar 3 martba aaytul kursi parh kar dam karay taki hisar ho jaen aur amil apnay sinay par bhi dam karlay.

Phir jo naqsh diya huva hain wo naqsh bachay k hath may pakdaye aur 16va khana naqsh ka kisi pak siahi ya kajal say siah karay aur uspar itr hina ya gulab lagaye.aur bachay ko kahay ki wo 16ve khanay ki siahi may gaur say dekhta rahay.aap 3-3 martba durood e pak[durood e ibraheemi] aur 23 martba Kalma e Taiba ka wird karay aur bachay par dam karay aankho par sinay par dam karay.aur kuch hi second may bachay ko siahi may roshni nazar aaegi.jab wo kahay ki usay roshni nazar aarahi hain to jo hazirat k hukm hain uspar amal kartay huvay haziraat karay aur aakhir may shukriya w duaiya alfazo say rukhsat karay.

Rohani Amliyat Course: Jo Hazraat Rohani Amliyat Course Karna Chahtay Hain Wo Apni DeTail Name Birthdate City Country mail id aur facebook id send karay. Paid course hain. Course me Rohaniyat, Sharaeet w qawaneen e amaliyat w Chilla zakwat,ilm ul huroof,ilmul aadad ilmul najoom,ilmul jafar , ilmul asma,haziraat,taskheer,tashkhees w elaj amraz sikhaya jata hain. haziraat92@gmail.com facebook.com/amil.samarali

HAMZD KI BATNI TASKHEER KA AMAL NO.7:

taskheer hamzad k kai aamal main esi blog par likh chuka hun aur kai aamal k tajorbat bhi mujsay meray course members aur blog readers share kartay rahtay hain.aaj es may ek mazid amal likh raha hun.ummid hain aapko pasand aaega.

hamzad ki zahiri taskheer bagair kisi ustad ki nigrani k nahi karna chahiye.esi lilye main aesay aamal likhta rahta hun ki koi karay to kamyab ho ya na ho lekin usko koi nuqsan na ho.aur kamyabi k imkaanat to ziada hotay hi hain.na kami hamari kuch zahiri batni kamzori k sabb hoti hain.

ham esi batni zahiri kamzori ko dur kar apni quwato ko bedar karnay k liye aapko course join karnay ki dawat detay hain.hamari rahnumayi aapki mahnat aur peer o murshid ki nigah e karam say Allah ka fazl hota hain.

khair ab amal ki taraf aatay hain.

ilm rohaniyat may talib ko chahiye ki wo apna batin ko pak saaf rakhay aur uskay liye guhano say duri aur tauba w zikr o azqar w durood o salam ka wird rakhna lazmi hota hain.aaen e qalb ko jitna saaf rakhaengay utna hi es rah may aapko kamyabi ki roshni hasil hoti jaegi.

es amal k liye aapko rozana 

Bad e Asr 

100 martba 

Durood e Pak

aur 

70 martba Astagfaar 

aur 

10 martba Surah e Qadr 

ko wird karna hain.

aur rat ko isha ki namaz k bad kisi waqt ko muqrrar kar apnay khud k pukaray janay walay nam k aadad k barabar Asma ul husna may say koi ism ya asma ka intekhab kar wird kiya karay.

waqt muqrrar par parha karay aur koi parhez esmay nahi hain.kam say kam 40 din tak wird karnay k bad aapko eska asar mahsoos hoga kisi ko jaldi bhi maloom hota hain lekin har ek ki rohaniyat alag alag hoti hain.esliye es amal ko 40 din karay phir asar maloom ho to ta umr jari rakhyega aapka amal bhi jari rahaega.aur aapkay kam gaibi taur par puray hongay aur jo sochaengay apnay aap honay laega aur koi shay bhi aapkay sath hain aesa mahsoos hota rahega aur sachay khwab bhi shuru hongay.

Rohani Amliyat Course: Jo Hazraat Rohani Amliyat Course Karna Chahtay Hain Wo Apni DeTail Name Birthdate City Country mail id aur facebook id send karay. Paid course hain. Course me Rohaniyat, Sharaeet w qawaneen e amaliyat w Chilla zakwat,ilm ul huroof,ilmul aadad ilmul najoom,ilmul jafar , ilmul asma,haziraat,taskheer,tashkhees w elaj amraz sikhaya jata hain. haziraat92@gmail.com facebook.com/amil.samarali

HAZIRAAT YA SAMI'U حاضرات یا سمیعُ

  

ye haziraat aap sab blog readers k liye meri taraf say khas tohfa samjay.kai readers k mails aaye hain ki main new post likhu blog pe.un sab ka shukriya jo meray blog ko parhtay hain aur yaqinan faeda uthatay hain.khair,meri mashrofiayt k baes main blog likh nahi pa raha hun.

 aaj aap sab k liye waqt nikala hain aur ek behtareen haziraat aap sab ko de raha hun.jo muj samarali jaisay hakir ki jholi may murshid e pak nay daali hui hain.

 aksar sab ko khwaesh hoti hain ki ham kisi k baray may ye khufiya batay maloom kar patay..?

ye haziraat apki ye hi tamanna ko puri farmaega insha Allah.aapka dost samarali ye hi aapko sikhanay ja raha hain.mahnat hain lekin nataej bhi zabardast hain.aapko sabr say kam layna hain.insha Allah aapko in'aam zaroor milaega hi.

TAREEQA yun hain ki kisi mah urooj may saad tarikh ko bad namaz e isha say shuru karay.matlab rat may shuru karna hain aur jitna mumkin der rat say karaengay utna behtar hoga.12bje 2bje karay behtar rahega.

rat ko bawuzu kisi tanha jagah par baith jaen qibla rukh ho.koi aapko disturb karnay wala na ho.pur sukoon jagah ho.chand khushbudar agarbattiya roshan karay.agar champa ya keiwda ki khushbuwali hoto behtar hain.chand bar gehray saans lay aur khud ko pur sukoon karlay.aankhay band karlay aur bismillah ek martba parhay.

11 martba durood e pak parhay.parhtay waqt ye taswoor rakhay ki aapko samnay gumbaday khizra nazar aaraha hain aur aap unkay samnay ba adab durood e pak parh rahay hain.

durood e pak parhnay k bad aapko apnay siddhay kaan par ye taswoor karna hain ki es kaan may 

noorani huroof may ism سمیع likha huva hain.es taswoor ko kaem rakhtay huvay aapko 

یا سمیعُ 

Ya Sami'u 

parhtay jana hain.1000 martba parhna hain.bich bich may aapka taswoor tootta rahega lekin aapko wapis taswoor karlayna hain aur tadad mukammal karna hain.jaldi jaldi na parhay aaram say parhay.

jab tadad mukammal ho jaen to phir gumbad e khizra ka taswoor kartay huvay 11 martba durood e pak parhay aur dhiray say aankhay kholay aur amal khatm karay.

rozana rat ko amal kartay rahay 41 din ka amal hain.waqt muqrrar rakh paen to bahot behtar hain.kisi din naaga na kiya jaen warna amal shuru say parhna hoga.tadad may kami beshi ho jaen to koi harz nahi lekin kami say thoda fark ho ga parh koshish to ye hi karay ki tadad may kami beshi na ho.

es amal ko 10-12 din guzraengay ki aapko kaan may ajib ajib aawazay sunayi degi.kai tarha ki aawazay hogi,paani k zarnay ki samundar ki parindo ki ya koi darwani bhi ho sakti hain .daray nahi aapnay amal pe tawojah de aur dhiray dhiray aapko kai ba maaani aawazay bhi sunayi degi.41 din mukammal karlay.

phir aap kitnay bhi dur baithay insan ki aawaz bhi ba aasani sun paengay.aur kisi k baray may koi maloomat darkar hogi to esi tarha kan par tawojah de kar ism ka taswoor bandh kar chand martba dil may parhaengay to aapko maloomat di jaegi.

es amal may parhez badbudar ashya ka rakhay.pyaz lahsoon hing adrak mooli jaisy chizay na estemal karay aur es amal k dauran paani ka estemal pinay may ziada karay.sar par tel ki malish bhi karay.

har koi banda 41 din may kamyabi hasil nahi kar sakta hain.esliye zarooratan es amal ko dusra aur tisra chilla bhi karna chahiye.yaqin say karay Allah ka kalam hain asar say mahroom nahi rakha jaega.na aapki mahnat bekar jaegi.

 Agar aap Elm e rohaniyat Amaliyat Taweezat Naqoosh Ilm Jafar Haziraat ko Baqaedagi Say Sikhna Chahtay Hain To Ham Say Rohani Course Join Kar Saktay Hain.

Hamay Mail Karay..haziraat92@gmail.com Par Ya facebook May Msg Say Rabita Karay..

www.facebook.com/amil.samarali

AASAAN HAZIRAAT: HAMZAD SAY SAWAL JAWAB KARAY

 

   

Ye haziraat bagair kisi zakat w chilla k mumkin hain aur bahot hi aasaan aur lajawab hain.kisi zamanay may main bhi essay bahot kam liya hun.matlab ki meri mujarrib haziraat hain.

Lekin es haziraat ki ek bat makhfi rakhunga taki kuch log jo ijazat k nam ya aesay amal k nam say logo ko aaj kal dhoka de rahay hain.

  TAREEQA  yun hain ki kisi 8 say 11 sal k bachay ya bachki ko apnay samnay baithana hain aur aap unsay karib ek do feet ki duri pe baithay aur bachay ko kahay ki wo apki aankho may aankhay dal kar aapki soorat ko dekhta rahay aur aap ek ism e elahi ko barbar dil hi dil may wird kiye jaen aur aur bachay ko pahlay hi kahday ki jab meri surat tumhay Assalamualaykum kahay to tum walaykum assalam bolna.

  Jab bacha walaykum assalam bolay to samj jaen ki aapka hamzad hazir hain aur jawab denay k liye ijazat lay.

  Es haziraat may aapko ek aur insan ki zaroorat parhaegi jo ki bataur medium hoga aapkay aur bachay k darmiyan.

  Jab bacha salam ka jawab bolay to aapko kuch nahi karna hain bas bachay ki janib dekhtay rahna hain aur jisko bataur medium bithaya ho wo sawal jawab ki ijazat talab karay bacha ya to zubani bolaega ya mundi hilaega.jab ijazat milay to medium sawal ka jawab maloom karay usko jawab diya jaega.agar zubani jawab diya jata hain to koi bhi tafseeli jawab lay agar mundi hila kar jawab diya jata hain to koshish karay ki sawalat  Ha ya Na walaykiye jaen.

  Es haziraat may gaeb,gumshuda chizay,bandish jadu aseb sab kuch maloom hota hain.ek nashist may kul 9 sawal puchay jaen.aur ek din may ek hi nashist ki jaegi.

  Agar jadu aseb walay sawalat hoto bachay k galay may nad e ali sharif ka naqsh pahna diye jaen taki koi hamla na ho.amil khud ka medium ka aur bachay ka bhi hisar karlay 3 martba aaytul kursi parh kar to mazid behtar hain.

  Esmay jo parhnay ka ism hain woh aur kuch baatay makhfi rakh raha hun.mazrat chahunga.