Tuesday, December 18, 2012

HAZIRAAT E ROOH part 3

Aap uska shukria maan kar ijazat de de.agar ijazat dena bhool gaye to
woh ruh apkay ghar me thahar jaegi aur aap parayshani me parh jaenge.
Es tariqay me ruh ki haziraat hoti hai aur ye koi khel nahi.aur khel
samajnay walay essay door rahay.bahot ahtiyat se karay.jo ruh ka aur
amliat ka mazak udatay hai uski hazri me ye amal na karay.esmay aanay
wali kuch ruhay kaam bhi kardeti hai.par har ruh nahi karti.hisar
badni zaror karay.aur jo sardar ho wo hi sawaalat karay.future k baray
me koi sawaal na karay na kisi mariz ko acha karnay ka ya aseb ka elaj
karnay ka kahay.na apnay saamnay aanay ka kahay.na kisi ko nuqsan
pahochanay ka kahay.sirf sawal jawab tak mahdood rahay to acha hai.
Ye haziraat ka tariqa batanay walay hindu biradar ne bataya k hamaray
gaon ka jo raja(king)tha wo es haziraat se bahot kaam layta tha.
meine(samarali) ne bhi es tariqay ko bataur aazmaesh kia aur bahot
sahih paaya hai.ekbat aur ki esmay kisi ki maut kab aaegi?jaisy sawal
na puchay.aur kabhi maut k baray me koi jawab aaye to yakin na
karay.na hazir ruh k btaye koi sadqa khairat kabhi karay.
Jo ahtiyat se kar payen wo hi karay.aur be-ahtiyati bartnaywalay ya
mazak samajnaywalay ya khel ki tarha istemal karnaywalay apni
zimmedari pe karay.mein(samarali) zimmedar nahi.

HAZIRAAT E ROOH part 2

Apki right hand ki taraf jo fard baitha hai uski taraf eshara karnay
ko kahay aur NA k liye left ki taraf eshara karnay k liye kahay.jab wo
HA kahay to dhiray dhiray HA aur NA me jo jawab milay aisay sawaalat
puchhay.ye sesion 45minutes se ziada na karay.aur akhir me hazir ruh
ko sardar janay ki ijazat kuch buland aawaz se kahay.yahan ye ba,at
yad rakhye ki ruh ko aakhir me ijazat zaror de de warna nuqsan
pahochaegi.wo hindu biradar batatay the ki ekdin wo sab ruh ko ijazat
diye bagair uth gaye aur akhirkar wo ruh ek rat uski biwi pe musallat
ho gayi.
Esmay jab sardar sawalat karta hai to apko hairat hogi ki stove ka leg
uth kaisay raha hai?sab ek dusray pe shak karaenge ki shayad ye uski
tarf dabaon de raha hai,esliye leg uth raha hai.par aisa kuch nahi
hota ye ruh hi harkat karati hai.
Esmay do tariqay se sawal k jawab liye jatay hai ek Ha aur Na se dusra
a,b,c,d se yani agar apko tafsiili jawab chahiye to ruh ko kahdo ki wo
english me jawabat de to wo apko es tarkeeb se jawab deti hai...
A k liye leg ekbar thak ki aawaz karaega
B k liye 2bar thak ki aawaz karaega
C k liye 3 bar esi tarha wo thak thak ki aawaz karaegi.mein ye post
likh raha hun tabhi ek ruh muzay eshara de rahi hai.
Jo notebook wala hai wo ye thak thak ki ginti karta jaen aur uss hisab
se english harf likhta jaen.ek harf k liye thak ki aawaz karke kuch
wakfa hota hai taki aap samaj sakay.es tariqay se aap uska naam bhi
puch saktay hai.aur pahlay pahlay kuch chote sawalat karay.taki aap
thak na jaen.
B,ad me uska shukria maan kar usay janay ki ijazat de de.(continue...)

HAZIRATE ROOH part 1

Ye haziraat ka ek anokha aur kadeem tariqa hai jo muzay ek hindu
biradar ne bataaya tha.wo mere paas apni biwi ko elaj k liye lekar
aaye the.aur muzay bataaya ki meri biwi pe ek ruh hai jo meri biwi pe
kabiz hai aur btaya ki ye ruh meri hi galti ka natija hai.phir bataya
ki wo aur uskay gharwalay milkar ek haziraat k tariqay se ruh se
sawaal o jawaab kartay the.aur esi haziraat k sabb meri biwi ka ye
haal hai.
Ab uski biwi ka haal pagal jaisa kyu hua ye mein apko aagay
bataunga.pahlay ye haziraat k baray me mein likhta hun aur meine kai
martba aazmaaya aur kai sawaalat k jawaabat hasil kiye.
Es hazirat me koi zakwat aur chillah nahi.
Apko ek pittal ka stove jiskay 3 legs hotay hai,wo hasil karna
hai.aur ek tanbay ka thaal chahiye.
Ab esmay 4 afrad ki zarorat parhti hai.3 hazirat me shamil hongay
aur jismay se 1 sardar rahaega.aur 4tha hai wo notebook aur pen lekar
sawal w jawab likhayga.
Ab jo sardar hai wo 11x aayetal kursi parh kar sabhi pe hisar ki
niyyat se phoonkay.aur kuch agarbatti jalalay. daerawala hisar n
karay.
Ab 3 afrad thaal k ird gird baithay aur sabi apnay sidhay hath ki
hathalian stove k upar ek ek leg par rakhlay.ab jo Sardar hai wo bar
bar kuch buland aawaz se yun dohraye ki agar yahan koi nek ruh hai to
aaye aur meri tarf ka leg hai uspay esara karay.kuch dair aisy hi
dohratay rahnay se jo sardar hai uski tarf ka leg uthayga aur khat ki
aawaz karke nichay ho taega.hathelian halkay se rakhay,taki leg aasani
se uthay.
Ab ruh se sawalat ki ijazat mangay.aur HA ke liye apki right tarf jo
fard hai ustaraf ka leg thanay k liye kahay .NA k liye left tarf ka.

Monday, November 19, 2012

HAZIRAAT SE SHANAKHT W ELAJ SAHAR-JADU:

Jab apko sahar jadu ka guman ho to chahiye ki awal 2 rak,at namaz e
nafil parhay.aur b,ad me mitthi chiz par aaqa e do jahan huzur
sallallahu alayhi w sallam ki fateha karay.aur itr w khusbodar phool
par dan karay aur ek nabalik ladki ko nahla kar aur pak libas pahna
kar bithaye aur ye fateha walay itr lagaye aur phool ka har larki ko
pahnayen.amil apna aur larki ka 11-11 aayetul kursi parh kar badni
hisar karlay.agarbatti jalayen.phir mariz ko kibla rukh bithaye aur
larki ko kuch faslay par mariz ki peeth k pichhay bithaye.aur larki ko
kahay ki mariz ki peeth ki aor dekhti rahay.
Ab amil(jo ye amal kar rahahai)
7x durood pak parhay.phir ba-aawaz buland ye azeemat parhta jayen...
عزمت عليكم يا شاه يكتانوش مع افواج خود حاضر شود بحق حضرت سليمان بن
داؤد عليه اسلام را

Azzamtu alaykum ya shah e yaktanosh m,a afwaaj khud hazir shud,bihaqqi
hazrat sulayman bin dawood alayhissalaam.

Azimat jald jald parhta jaye aur kuch kuch dair b,ad larki se poochay
k b,soorat bandar siah koi bhayanak soorat to nazar nahi aati hai.phir
azimat parhta rahay.yahan tak k sawaar mariz ki peeth par zahir ho.wo
sawaar baliyat ko pakad kar ke gardan me tauk daal kar martay huvay
nazar aavay.ye amal sirf 3 din karay.inshallah tamam jadu rad ho
jaega.mariz shifayab ho jaega.
Par yahi azimat 41 martba sarson k tel par parhkar dam kar ke mariz ko
badan par malish karnay aur 1-2 bunday kaan me raat ko sotay waqt
dalnay ko kahay.
Aur 7kuvay ka paani se mariz ko nahlaye.

aur ek kagaz par ye azimat likh kar 3 din peenay ko de...
سليمان بن داؤد م ي ه ا ر ن لا عليه اسلام

Inshallah mukmmal sahar jadoo ki kaat ho jaegi.
Shifayabi k b,ad h.makhdoom ashraf jhangeer simnaani qudsirah ki hasbe
taufiq fateha khwani karay.
Wsallam.

haziraat92@gmail.com

SAHAR JADOO KI TASKHEES AUR HAZIRAAT SE ELAJ:

Fb pe meine ek sayyid sahb ka haal parha aur mera jo kuch bhi hai wo
sab atta e ahlebait ki mere murshid aalay rasool hai.
Ye amal muzay ek ashrafi buzorg ka atta kia hua hai.mein kabhi nahi
batataa,q k yahan aj kal sirf readers hai par amli-taur par aajmaanay
walay nahi.kaisay bhi muzrrib amliat pesh karon ultay sidhay sawaalat
karke nayen amal ki talash me kho jatay hai.
Qur,an k ek ek harf to thik,harf ka ek ek nukta wo asar rakta hai ki
ye mardood saahiron jadugaron ka wazud dunia se mitta de.par,aaj ka
kamzor iman musalman ko sifligaron par itna bharosha hai ki quran ko
haich samaj baithay hai.jadu ki kaat bhi sifligaron se karwatay
hai.dalil yahi hoti hai ki lohay ko loha katataa hai.agar en jhoomlo k
maani nikalay jayen to kya ye bolnay wala musalman baaki rahaega?
Buzargan ne ham sab k liye apni zindgi ko sarf kardi aur qur,an ka itr
nikal kar aasan amal,tawezat atta kiye.par asar kyu nahi?zimmedar ham
hai.ham se apnay mazhab ki pabandia nahi hoti aur gunah pe pachhtana
hamari fiitrat nahi.halal haram ki milawat kardi hai.haq talfi apnay
liye koi gunah nahi.ruva ruva gunah me dooba hua aur buzorgaan aur
amliat pe ungli uthaana?
Bas,kahna yahi hai ki mazhab aur shariat k qadrdan bano aur pairokar bhi.
Apnay aanay ka maqsad k baaray me socho.
Allah tumhari imdad karaega aur ye hamzad,mokel,jinnat tumharay gulam
banjaenge.allah ta,ala ne farmaya me apnay dosto ki ankh banjata hun
jissay wo dekhta hai mein uski zuban ban jata hu jissay wo bolta
hai...ye tab hota hai ki jab koi dil dimag se tan man se allah pe
bharosha kartay apnay aapko uss zaat k hawalay karday.
Wo niyyat aur koshish ka bhi azr deta hai.

Ab apnay asal maqsad me aataa hun...

Pahlay to aap par sahar-jadu hua hai ya nahi eskay liye taskhes karlay
aur eska ek muzrrib amal meine SHANAKHT k naam se mere blog me likha
hai.ussay bhi kia jata hai aur aaj ek aur amal sirf sahar-jadu ki
taskhees ka pesh karta hun...

TASKHEES JADU

Jis par sahar ka gumaan ho to kisi mitthi chiz chahay sugar le le aur
sirf ek martba bgair bismilla sharif k taskhees ki niyyat se
SURAH WADDOHA
dam karay aur mariz ko khilaye agar uspar sahar-jadu hoga to usay wo
talkh maloom hoti hai.
Agar ye patta chal jaen ki mariz par sahar-jadu hai to uss k liyen me
apni next post me ek amal haziraat bataata hun.uss amal me bhi hazirat
se patta chal jata hai ki mariz par sahar jadu hai ki nahi.par wo
process thora lamba hai to pahlay uparwala amal karle

Wednesday, October 17, 2012

PARIZAD SE KHWAB ME MULAKAT

PARIZAD SE KHWAB ME MULAKAT


essay pahlay meine
JIN SE KHWAB ME MULAKAT
HAMZAD SE MASHWARA
ye do amal likhay aur kafi dosto ne pasand farmaya aur kai ahbab ne pasand farmaya kai ahbab ne amli taur par aazmaya.par kuch ne 2 ya 3 din kar k chhor diya aur muzsay kuch muzrrib amal likhnay k liye mails kartay rahay.
ye amal muzay mere ustad mohtram ne jo ek amliat ki zakheem kitatabnuma dairy di ti usmay se meine naqal kar ke aazma kar yahan bataaya tha.
aapko mahnat kara kar muzay kya hasil?
amliat koi khel nahi ki dil bahlanay k liye kar lia achha lagaa to aur kia nahi jamaa to chhor dia.
es raah me kai logon ne apni zindgi ek amal k pichhay barbad kar di hai.
hamaray naye dost hai maolana imtiyaz sahab jisnay apni zindgi k 20 saal taskheer hamzad me sarf kar diye hai aur shadi tak nahi ki hai.
rupay,waqt aur umr ka ek behad kimmati hissa gawaa diya hai,
par unki lagan aur sabr ko salam karna chahiye.
ha,wo ek achhay amil bhi hai.
kisi bhi amal ko lagatar karna chahiye jab tak kamyabi n milay.zamin se pani nikaalna hai aur batanay walay ne bataa dia ki es jagah pani niklayga aur aap ne kuch feet khod kar soch lia ki ab yahan pani niklayga aur dusri jagah khodnay lagay.phir uss jagah bhi aisa kia to kya kabhi paani hasil kar sakayge?
amliat me bhi aap aksar aisa kartay hai.kuch din amal kia phir tabdil aur kuch aur amal kia aur aisa silsila chalta rahta hai,najtiza?naakami aur amliat se aitbar ka uthjana,budjham ho jana.
aksar dosto k mails me muzay ye likhtay hai ki jin,pari,hamzad ki taskheer ka amal wazeefa bataaye.par mein manaa kar detaa hu aur ye bhi koi aasan nahi.aur aaj chhotay amal me nakamyab rahnay walay aisy amal me kaisy kamyab hongay?
khair,sabr aur yakin kamil ye do chizen apnay sath rakh kar hi amal k maidan me kadam rakhyega.

ab asal b,at:
ye amal parizad ko khwab me hazir kar ke unsay apni mushkilat ka hal talab karna hai.ye haziraat bzariye khwab ka amal hai.
baroz jumua ek naya chhota aaina (mirror) kharidlay aur b,ad e jumua sa,at e zohra me nichay diya tilism e huroof arq e gulaab aur zafran se aur anaar ki qalam se likhay.aur usay b,ad me loban,gogal ka bakhor de.aaina chhupa kar rakhay aur tilism likhnay k b,ad dhoop uss par parhnay aur kisi aur ki nazar se bacha rakhay.
badni hisar karlay.galay se tawez etc nikal de.aur tanha kamray me soye.aur bakhor kare

اااه ااء اوااوااوا٦ ا ٩ ٩ اا
ye tilism ainay ki pusht par likhay aur sarhanay rakhle

Sunday, September 16, 2012

TASHKHEES

elmul huroof mera pasandid elm hai aur meine esmay kai naye irzad kiye hai aur elm ul huroof k kai raz muzpay mere murshid k karam se zahir huvay.agar muzpay murshid ki pabandia n hoti to aaj me rohani duniya k mushafiron ka dar dar bhatkna band karwa deta aur jo es raah k sahra me pyase bhatktay hai aur kai esi pyas k sath rukhsat ho jatay hai.usay me es pyas ko zarur buzata,
khair,
chahe elm e rohani ka koi bhi tariqa ho usmay elmul huroof muzay nazar aajata hai.mere ustad mohtramto yahan tak kahtay hai ki jo elm e huroof ka amil nahi hua wo amil kahlanay k layik nahi.
yahan jo me huroof likhta hon,usay mariz ki sidhi hatheli par black ink se likhay aur mariz ko bolay ki en huroof ko gaur se dekhay,agar marz ka sabb aseb hoga to mariz ko huroof ka rang surkh(red) nazar aayega.agar jismani marz hoga to b-dastoor siah nazar aayega.
essay apko tashkhees (diagnosis)
me madad milaygi.aur ye amal me mere blog k tamam khalq e khuda ko faeda danay ki nek niyyati karnaywalo ko ijazat e aam deta hu.waisy esblog pe jo bhi amal wazaef hai uskay liye alag ijazat ki zarorat nahi.
aur blog me jo amliat likhta hon wo muzrib hotay hai.muzay apko mahnat karanay se kya hasil?nakamyabi k kai sabb hotay hai amal ko galat n janay.har harf pe mokkil hai,koi bhi jumla tariqay se bologay to asar zarur btata hai.
wsallam...!

Jo huroof likhnay hai wo ye hai...
 س ص ط ر ی م و سی

Thursday, September 13, 2012

QUWAT E TASKHEER



taskheer k kai aqsaam hai,koi khusoosi taskheer chahta hai koi aam taskheer chahta hai.kai aamaal jo  meine khud aazmaaye aur kamyabi bhi hasil ki (ye mere murshid k karam se ata karda rohani faizan se) aur kai hairatnuma result bhi dekhay. par yahan aj mei jo ek mera aankhon dekha haal byan karnay wala hoon,usay parhkar aap bhi hairat me parh jaengay. ekbar ham sab hamaray murshid k hamraah ek safar par gayen the.jahan b,ad e zohar sab murshid ki mahfil me hazir thay.aur kai topic par baat hotay hotay quwat e taskheer par baat chal parhi.aur kai aisy malumaat hamaray daaman me aayi jo n koi kitaab me parhnay ko mili thi n kisi se sooni thi.kai aisay nuskhay bhi,aur chutkulay bhi aur taskheer k totkay bhi hamari joli me aayen. phir baba jaan ne kahan ki kya tum taskheer ki kuwat ko apni ankhon se dekhna chahtay ho? ham sab ne ek hi aawaz me hami bhari. to babajan ne kahaa ki jao mahammad tausif(jiskay ghar me ye mahfil thi.) apnay aangan se 7 chhoti kankariya le aaon,aur ek thali bhi. jab babajan k samnay wo thali(plate) me kankariya pesh ki gayi to babajan ne usmay se ek kankari uthali aur kuch aahista se parha aur kankari pe phoonka. phir wo kankari ko thali me ek jagah par pakar rakhi.ham sab ye hairat se dekh rahen the ki kya hoga? kuch der b,ad jahan babajan ne kankari pakar rakhi thi wahan hamnay dekha ki sab kankariya jamaa ho gayi thi.par tab hamari samaj me kuchh n aaya. hairat me to ham tab parh gayen jab babajan uss kankari ko thali me jahan jahan ghoomatay baki sab kankariya pichhay pichhay chal parhti maano jaise koi talib matloob k pichay pichay. ye dekh kar ham sab ek dusray k mooh dekhtay rahay. kuchh dair b,ad babajan bolay dekho esay kahtay hai Quwat e Taskheer. chahay jandar ho ya bejan har kisi ko basmay karlay. aur kahan  ye hai es taskheer ka torh,ye kahkar jo kankari hath me thi uss par kuch parh kar phonka. aur phir se wo kankari thali me ghoomayi par ab to koi kankari pichha nahi karti thi. hamnay kahan ki masha Allah sarkar ye apki karamat hai to babajan ne kahan nahi mere beton ye to ek amil ki kuwat e taskheer ka namunaa tha.karamat to es jaisy chizon se kai goona buland o baalaa hai. mere doston ye jo bhi ho par agar sahih rahnomaee aur yakin kamil ho to insan aj k daur me bhi elm e rohaniat k maidan me kamyabi k darzat tay kar sakta hai. ek amil bhi kai hairatnuma kaarnamay ko anzam de sakta hai.par yakin,qawaneen aur rahnumaee ki zarorat hai...!
Allah meray murshid e kareem ko saad o aabad rakhay sehat e kamila ata karay aur taweel umr ata ho aameen...aap sabhi say bhi dua ki guzarish hain...!

Sunday, September 9, 2012

HAMZAD SE MASHWARAH...!


HAMZAD...Ye Lafz Parhtayhi Jo Amliyat K Shaukeen Hain Unki Aankhon Me Chamak Parh Jati Hain,Kyu K Aksar Rohani Amliyat K Talib Ki Es Raah Me Guzarti Zindgi Ki Yahi Tamnna Hoti Hain.
Khair,Yahan Mujay Hamzad Ka Koi Tashkheer Ka Amal Nahi Bataanaa,Par
Yahan Me Ek Hamzad Se Khwab Me Mashwarah Laynay Ka Ek Tareeqa Post Karna Chahta Hoon.

TARKEEB:
Raat Ko Sotay Waqt Pak Bistar Par Bawuzu Sidhay Soa Jae Aur Sidha(right) Hath Sinay Par Aur Ultaa Hath Sidha Bistar Par Rakhay Aur 7 Martba
Surah e Quraish
Parhay
Awal o Aakhir
7-7 Martba Durood e Pak Parhkar Apna Jo Bhi Sawaal Ho Wo Hamzad Se Kahday To Raat Ko Insha Allah Hamzad Aapko Khawaab Me Sahih Jawaab Bataega.
Libas Pak Saaf Rakhay.
Aur Aap Ko Jo Bataaya Jaye Wo Sinay Me Dafan Karday To Hi Baat Aagay Barhaegi.
Awwal Roz Kamyabi Na Ho To 7 Se 11 Roz Tak Dohratay Rahay...Koi Parhez Nahi Hain.
Na Dar Khauf Wali Koi Bat Hain.Sirf Jaez Sawalat Ki Shart Hain.

Wednesday, August 29, 2012

BEBARKATI DOOR KARNAY KA AMAL

Aaj kal har ghar me ye fariyad rahti hain ki ghar me barkat nahi rahti.
Bebarkati k kai sabb hain aur jisay buzurgonay apni kutub me bhi likha hain.
aur ek be barkati ka sabb bagair bismillah sharif k khana shuro karna hain aur khanay k b'ad razzaq ka shukr n adad karna.
yahan mera maqshad jo hamaray ghar me khana pakta hain aur jo chizay hoti hain jaise ghenhoo chawal,aata ,teil etc chizon me barkat paida karnay ka muj garib ka aazmaaya hua amal pesh karna hain.
Ajkal amliyat wazaeef se dil chashpi rakhnay walay hazraat ko koi sidaasaadaa amal bataye to ussay bharosha nahi aataa aur karnay me dilchashpi nahi dikhatay.jab ki sab jantay hai ki ek ek harf tasir rakhta hain.
Mere murshid ka to tariqa hi aasaani se talib ko apni manzil e maqshood tak pahochana hain.
Wo to amliyat me sakhti se uss k khilaf hain jismay talib e amliyat ko kuway me latak kar parhna ya jangle me wiraanay me jaakar ya shadid taklifay bardast karnaywalay amal bataadiye jatay hain jab ki ye shartay Amil ne apni khudsakhta banayi hui hoti hain aur amal me zarori nahi hoti,yani sidhay saaday amal ko paichida kardatay hain.taki khud hi amil kamil ya karamaati baba banay rahay.
galti kiski manay wo amil ki ya tedhay medhay amal ko pasand karnaywale talib ki?
Ab amal yahan likhta hoo.ye uske liye hain jo Allah k kalaam ki taqat w asar ko taslim kartay hain balki ek ek hurof ko moassir mantay hain.

#AMAL:
Jumerat ka din guzar kar jo jumua ki raat aaye uss raat me ba-wuzu khanay pinay ki chizon par 3-3 martba durood sharif aur
101 martba
بسم اللہ الرحمن الرحیم

BISMILLAH HIR RAHMAN NIR RAHEEM.

parhay aur khanay peenay me jo estemal hoti hain tamami chiz chawal ghehu tel aata sabzi masalay vigera pe dam karday,phoonk day.

5 jumua bilanagah aisa hi karay.

es amal se rizq me khairobarkat hogi,inshallah 10 admiyon ka khana 20 ke liye kaafi hoga.aur kabhi khanay me killat w tangi mahsoos n hogi.
mumkin ho to 3 chillay dohra le taki poora poora faiz hasil ho...!
amal k liye n koi khanay pinay ki parhaiz hain n uroz zawal ki qaid bas zarorat hain to yakin ki.
ye amal behtar hain ussay  ki kisi amil k dar par bebarkati k liye dastak de.

Sunday, August 26, 2012

JIN KI BETI PART 3

yun ami abu do alag alag rahnay lagay.ek dusray se shadid nafrat kartay hai.
aur meri tabiat aksar kharab rahnay lagi aur ghar me tangi rahnay lagi.
aur wo kabhi milnay n aaye n khwab me aatay.meri arz bhi nahi suntay.
aakhir hamnay hamaray ek ristaydar jo ek amil the unsay elaj karwaya aur usnay bola ki ye jin abu ki wajah se taklif hai.usnay mere khawind ko kuch parhnay ko dia aur btaya ki ensay wo jal jaengay.meine usay manaa kia par usnay kaha ki dusra rasta nahi warna tumhari jan ko khatra hai.meri lakh manaa karnaypar bhi mere khawind ne wo parhna shuro kia.jissay ghar me jalnay ki boo aanay lagi.phir rat ko so kar jab ham uthay to mere pair me jalan mehsos honay lagi aur folay parh gaye.aisy hi din b din meri halat kharab honay lagi aur mere pairon me zakhm hogaye.meri halat ko dekhtay mere khawind ne wo parhayi chhor di.par mera zakhm kharab hogya aur usme se kiday niklnay lagay.dawaee to kuch asar nahi btati thi.hamnay phir yaha aakar elaj ka socha aur aagaye.
in sort,
meine wo taqtwar jin se jhad-phonk ki bajae,unsay pyar mahobat se kam lia.
meine mumtaz bahan ko ankhen bandh karkay bithaya aur jin ko pyar se yad karnay ko kaha.kuch dair b,ad wo hajir hua aur muzpar gusay ho kar dhamkia denay lagay ki muzay kisi ne ab tak nahi bulaya.mene pyar se baat ki aur aakhir me usay samjaya ki aapne esay beti maana hai aur aulad chahe kaisy bhi galti karay bap estarha saja nahi deta.muaf karday.esi tarha baat chit se wo mangaye.
phir wo chalay gaye.
dusray din jab wo mia biwi aaye to khush the aur muzay tazub tab hua jab mumtaz bahan ne apne pairon ko dikhaya to koi zakhm to kya nishan tak nahi.usnay btaya jab wo rat ko soyi to rat ko kisi ne uska pair khincha wo nind se uth gayi dekha to wo jin abu ja rahe the.aur mera dard aur zakhm gayib the.
aj bhi call se btaya ki ab ek dam thik hai aur ghar me bhi sukoon milta hai.
aur dua karta hu allah unko hamesha khush rakhay.
es kissay me bahot kuch hai,esliye ye meine yahan share kia.
plz,coment karengay to acha lagayga...!

JIN KI BETI PART 2

Mere abu ko ab order milnay kam hogaye aur ghar me tangi mehsoos honay lagi.ekdin meray abu 2 mazdoor lekar aaye aur bolay ki ye neem ko kant do.meine kai wasta dekar manaya par wo to barbad hi hona chahtay the to n manay aur bolay ki agar sabh me jin hai to me ye ped zaror katunga aur usay nuqshan pahuchaonga.usdin 2 mazdor aur mere abu ne wo ped kant dia aur kisi ko kuch nuqshan n hua.aur jo jad thi usmay acid dal di.rat ko wo jin abu aaye aur muzay bolay ki aaz se tera mera rishta khatm jao kahin door chalay jao warna ek bhi zinda n bachogay.me uskay pas ronay lagi par wo n manay aur bolay tum insan hotay hi khudgarz ho.tumnay mere aashiana mitaya me tumhara khandan mitaa dunga.meine dekha ki kuch dair ba,ad wo kamray me unke kai ladkay aur uski biwi namudar huvay aur unki ankhay surkh thi.aur bahot gussay me the.meine apni maa ko kahan ki jaldi hi ye ghar chhorday to wo boli me kisi se nahi darti n ye ghar chhorungi.
uss raat muzay nind n aayi aur khauf malum hota tha.jab 4 bjay to meri maa ki chikh sunai di.me aur mera chota bhai daud kar gaye to meri maa mere abu ki goad md behosh parhi thi.ham bhai bahan chillanay lagay aur mene abu ko kahan ki aap muafi manglay aur ye ghar se hamay dusray ghar le jae.kuch dair b,ad maa hosh me aayi aur boli k ham jaldi hi ye ghar chhor dengay aur kamray se bahar jakar apna joota muh me lekar corner walay kamray me gayi aur ro-ro kar muafi talab ki aur dopahar ko hi hamnay saara samaan apna bekri k ek kamray daldia aur wahi shift ho gaye.par abu abhi ussay uss makan se nikalnay pe aday the.
ab dhandha kuch thik chal raha tha.wo jin abu kabhi milnay aanay lagay the.par khas faeda n hota.
ek din mera rishta aaya aur baat pakki hogayi.to jin abu phir naraz ho gaye aur bolay k tum shadi se inkar karday.tumhay meri nazar k samnay rahna hai aur tu door ja rahi hai mene kahan aj nahi to kal meri shadi to honi hi hai aur rishta bhi achha hai.
wo bolay tu bhi matlab parast hai.ja ab kabhi nahi aaunga.aur agar teri shadi karke tere ami abu ne tumhay muzsay juda kia me bhi kabhi usay sath nahi rahnay dunga. phir aksar mere ami abu k jagday honay lagay aur aise hi meri shadi hogay.shadi k b,ad kuch hi dino me mere ami abu ka jagda hua aur mere abu ne gusay me talaq de di.aur tab se abu dusray sahar chalay gaye aur ami alag.aur chota bhai apne sasur k ghar rahnay chala gaya.aj mere abu dusray ki bekri me nokri karke gujaraa kartay hai aur ami ghar ghar ka kaam karke.
PART 3

*JIN KI BETI* part 1



sab se pahle ye bataadu ki ye koi amal nahi likh raha ki JIN KI BETI ki taskhir kaise karna hai.?
par es jumerat ko mere marizo k dekhnay k waqt mere pas mia-biwi aaye the ye unki kahaani hai.
nam farzi hai,
mere pas aayi bahan ka nam tha mumtaz aur uskay husband ka nam tha ashfaqbhai.mumtaz bahan k dono pairon k panjay me zakhm the aur patiya bandhi hui thi.
usne btaya ki kitni dawaee karwai par kuch faeda nahi ho raha hai.mene undono ko pucha ki kya wo mere saaray marizon ko dekhlu tabtak intzar kar saktay hai?usnay ha kahi aur ek taraf baith gaye.
akhir me jab unki bari aayi tab kamray me ham 5 admi mauzud the.meine ashfaqbhai se pucha ki ye mamla puraana hai aur dawaeewala nahi par dua tawiz wala hai.
usnay bola ji,ha ye sahih hai aur esi liye aapkay pas aaye hai.
meine kaha ki apki biwi pe ye asrat shadi se pahle balki wo nabalig thi tabsay hai.wo bolay sahih hai par pareshani to 2 saal se shuro hui hai.
meine bola ye jin momin hai aur bahot raees hai.apki biwi ko apni beti banaee thi.aur ye jo taklif hai unka sabb bhi ye jin hai.
tab mumtazbahan bolay ki aap sahih kah rahay hai.wo muzay beti mantay the aur jab me ghar me akeli hoti to wo muzay milnay aatay aur mithai wigaira detay.aur sonay k julay me julatay the.aur boltay ki mere 11 ladkay hai ladki ek bhi nai hai tu meri beti hai.aur muzay dhero rupay detay to me inkar karti to wo mere abu jo bekari ka karobar kartay the unko gaibana madad kartay the.aur saalbhar me to hamay malamal kardia.
phir ham jis ghar me kiraye pe rahtay the wo kharid lia.ab mere abu ne usay girakar nayaa banaana shuro kardia.
to wo jin abu ne muzay bola ki tere abu ko bolo ki jo corner wala chhota kamra hai wo n giraye aur sehan me jo neem ka ped hai wo n kantay.
mene abu ko btaya par abu n manay aur jab wo kamra giranay lagay to ek mazdoor buri tarha ghayal hogaya aur mere abu k hath me bhi chot aayi.meine abu ko samjaya par wo jidy the so n maanay.dusray din subah ham uthay to hamaray 3 bakray maray parhay the.par abu ki aankh n khuli.aur ek bhai jo bekri ka kaam sambhal rahay the to wo bhi jal gaye aur hospital jaa pahonchay.phir mere abu ne ek amil ko bulaya aur mera aur hamaray ghar ka elaaj karwaya.par dauran e elaj wo amil gir parhay aur aise bagay ki mene itni haibat shayid kisi k chehray pe dekhi ho.
phir makaan ka kaam rukwa dia aur par uss dauran meray abu ko karobar me bhari nuqshan honay lagaa aur wo barbad ho gaye par.n meri maa manti thi n mere abu....

https://rohanihaziraat.blogspot.com/2012/08/jin-ki-beti-part-2.html

Saturday, August 25, 2012

ROHANI COURSE

SALAAM,
mashallah...!aj hamaray rohani course me 17 members ho gaye hai.aur alhamdullillah,kai hazraat shamil honay walay hai.
meine pahle jab ye alaan kia tha ki rohani course start ho rahaa hai to post me meine GOLDEN OFFER likha tha. aur ye ek golden offer hi hai jo meray babajan ka aap par ahshan hai jo meri apeel pe wo razi ho gaye.q k usmay garibo ka bhala bhi hoga.
babajan ne apnay ek garib murid ko 5000rs. ki ek thela-gadi le kar di aur uss garib ka rozi roti ka zaria ab aur achha hua.
khair,1100 rs.koi barhi rakam nahi.agar ham chahtay to 5000 bhi rakh saktay the.par hamara maqshad dhandha nahi n elm ki dukan chalana.n bewakof banaanay ka.

aj net pe kai site logo se ek amal k hazaron rupay le rahe hai aur log dekar pachtatay hai.
yahan 1100rs me mera barso ka tazurba apko de rahan hu.
ilm rohania me log moakil,hamzad,jin,pari jaisy gaibi makhloq k pichhay daurd tay hai.aur waqt w paisa barbad kartay hai.koi wazeefa mil janay se aur ijazat mil janay se aap chilla karlengay to wo taqt aap ke taskhir me aajaegi? nahi uskay liye kai manzilay hai,jiska ek joz ye mera basic course hai.ilm rohania koi mushkil w nayaab nahi,sahih rahnumai zarori hai.es course me jab aap btaye tariqo pe amal karke jo paenge tab ap janayge ki apne essay pahle to waqt zaya kia.me apko ilm e rohania jo ek khazina hai,uskay darwazay ki chabi dunga aagay apki koshish himmat w mahnat ki aap usmay se kitna hasil kar saktay ho.mei bhi koi AMIL E KAMIL nahi ek adna se adna talib e ilm hu.jo janta hu wo share karunga.
agar sahih me apko ilm rohania ka sauk hai to bas 3 mahinay mere sathi rahe aur apni manzil ka rasta hasil karay.chalna khud apko hai me to rah dikhaunga.ha,kuch aisy amal w tawizat naqoosh bakhshisi taur par diye jaengay jo bina kuch chilla w zakat k kaam dega.
ye rasta khula rahega jab tak murshid ishara n karay
khak paa e QADRI CHISTY...!

Sunday, August 19, 2012

JIN SE MULAKAAT


شمعون يهوش وه
JIN SE MULAKAT

karnay k liye rat ko sotay waqt apne left hath k angoothay k nakhoon par black ink se uparwala naqsh likhay aur khilwat wali jagah chupchap sojaye.inshallah rat ko ek jin apko jagaega aur apkay mas,alay ka jawab btayega.
darna nahi hai aur kamzor dil hazraat n karay.
ye amal taskheer ka nahi mulakaat ka hai par,essay apka taskheer ka hosla barhayga.aur ziadatar log jab rat ko jin unhay jagata hai tab hi darr jatay hai.amal ek din ka hai magar ziada se ziada 7 din karay.jumerat k jumua k darmiani koi bhi shab se start karay.khusbo lagakar amal karay.
koi baat ho to coments k zariye puchay aur post ki coments parhnay k b,ad hi new coment karay taki waqt barbad n ho aur meray bhi kai kam hai aur rohani course bhi chal rahaa hai.to jald jawab ki ummid n karay.
ADVANCE ME
AAP SABHI KO EID MUBARAK DE DETAA HOON Q K KAL WAQT NAHI MILAYGA.

Wednesday, August 1, 2012

ROOHANI RAHNUMAEE

ROOHANI RAHNOOMAEE...! Agar aap muzse w mere murshid ki kisi b amliat me rahnumai chahtay hai to fees ada karkay amaliyat ka course join kar saktay hain. aur esme apko bharpur madad ki jayegi. aur ye rupay hamaray murshid k garib murideen ko dia jataa hai,jis se apko bhi sawab w amliat me quwat hasil hogi.muft ki koi kimmat nahi.to agar ap ye faeda chahtay hai to 10 august se pahle ham se email k zariye rabta kar le.aur ye tamam info apko emails k zariye di jaegi. w sallam...!

Sunday, February 19, 2012

HAZIRAAT DARBAR E JIN


Ye haziraat ek shoabdah hai.kuch log ya jaali amil bache ko bitha kar jin ko hazir karke sawal ka jawab hasil kartay hai aur log mutasir ho kar wo nakli baba ko taqatwar amil samjte hai aur unki ulti sidhi baton me aajatay hai aur ilaj ke nam par mooh mangi rakam detay hai.
khair,me yahan aapko aisy haziraat ka tariqa batata hoon.jisme n to kuch parhnay ki zarorat hai n koi zakwat denay ki.bas,jo chizon ki zarorat hai wo hazir karye aur hazirat e darbar e jin me apni faryad le jayen.
ye hazirat me jawabat ka etbaar nahi kiya ja sakta ki esme kaun hazir hota hai wo aap nahi jantay aur jo bhi hazir hota hai woh apka tabay nahi hota.kabhi kabhi durust jawab bhi miljata hai.par phir bhi ye nakli haziraat hai.after all this is one type of mesmerism.

*TARKEEB*

es ke liye jo item ki zarorat hai...!

1.kansay(bronze)ka bartan.

2.kajal

3.candle

4.agarbatti

5.saaf paani

6.midium 9 to 10 yrs old

en sab ko ekttha kar ke aap kansay ke bartan (thali,chhoti dish) me bicho bich kajal se 1 rupay k barabar daag banaye aur agarbatti w mombatti jalayen.ab bartan ko paani se poora bharle
aur bache ko samnay bitha kar siyah daag par ek nazar say dekhnay ko kahen aur kuch dair ba,ad poochhay ki kya tumhara chehra nazar aayan? agar wo ha, kahen to aagay ka hukm lagay aur hazirat karen.
aakhir me jab unhay rukhsat karen to thanx ya aabhar manlay.aur behudaa sawaal n puchhay.es me bache ko darbar jin nazar aata he aur raja jin jawab datay hain.

Saturday, February 11, 2012

LET'S START HAZIRAAT EXPERIENCED RITUAL FOR KAJAL HAZIRAAT

LET'S START HAZIRAAT EXPERIENCED RITUAL FOR KAJAL HAZIRAAT

Jo meine pahle haziraat ka kajal bananay ka tariqa bataya tha wo taiyar kar liyan ho to wo bhai ye amal shuron karday.

TAREEQA:
Ye parhay aap din rat me jab chahen shuroon karen.
pak saaf hokar rozana waqte muqrar par 11 din tak1000 martba ye do asmaa ka wird karen with 11x-11x durood pak before and after.
YA ZAAHIRU
YA BAATINU
يا ظاهر يا باطن

parhayi ke ba,ad kajal jo taiyar kar rakha hai uspar dam karen.agar sath me itr pe bhi dam karen to aur behtar hain.aur chand khushbondar agarbattia bhi jalayen.
ye kajal sambhaal kar rakhen.
11din ba,ad aap amil hai.haziraat se faeda utha saktay hai.
es amal me koi parhaiz nahi hain amal parhna ho uske pahle ek ghanta tak koi badboodar chiz n khayen aur kha li hain to miswak karke mooh saaf karle.
eski ba,ad wali post me jo amal parhna hai hazirat ke liyen wo amal yahan arbi me likh deta hoon.wahan english likhonga.
3 bar durod pak
ekbar
ھُوَ الاُسَامَةُ سِرّ نَاھُو یَا کَرِیْمُ
HUWAL USAMATU SIRRINAA HOO
7 bar
يا كريم
Ya Kareemu

¥ LET'S START HAZIRAAT ¥

Kajal banay ke liye jo chizen chahiye wo likhta hoon.* 12 adad kafoor(menthol) ki tikia
* rose water
* 2 china plate
* rooy
* machis
* heena itar
* ek chhoti dibbi kajal bhar nay ke liye
¥ TARKEEB ¥
Kafoor ki tikia ko rose water me 72 ghante bhigo kar rakh day.
72 ghante ba,ad uss pani ko ek china plate me nikale aur uss me rooy
ki batti bhigo de.
Ek plate ko usske upper ulta tang day.es tarha ki jab wo batti ko
jalaye to uska dhoaa uss plate par lagay.
Ab batti ko machis se bismilla....,parh kar jala day.khyal rakhye ki
uthnay wala dhoaa achhi tarha palate par lagay taki zyada kajal hasil
hon.
Jab poora paani aur batti jal jaye tab plate ko thanda honay day.kuchh
dair ba,ad jab plate thandi ho jaye toa uss plate ka saraa kajal jo
dhoaa lagnay ki wajeh se banaa hai,ussay ahtiyat say nikal kar dibbi
me bharlay aur uss me kuchh katre heena itar dalay.lekin khyal rakhye
ki zyada n dalde.bas,utna dalay ki kajal ki pest taiyar ho jaye.
Bas,kajal baray haziraat taiyar hain.
Ab 3 din ka apko waqt day rahan hoon.kajal taiyar kar rakhen phir amal
haziraat ki parhai jo uss kajal par karni hain,wo bataonga...!
Inshallah.
Muz faqir k haq me dua kijyega.
W sallam

LET'S START HAZIRAAT TAREEQA E HAZIRAAT BADSHAHE JINNAT


Jab haziraat dekhne ki zarorat ho to ek 9 ya 10 saal ke bachche ko paak saaf nehla kar bithaye,aur uske sidhe hath ke angothe par wahi kajal lagay,aus par itre heena ya gulaab zara sa lagaye,ba,ad me 3x durood sharif aur ek bar
HUWAL USAMATU SIRRINAA HOO aur 7X YA KAREEMU aur ba,ad me 3x durood pak parhkar bacche par dam karen.
isi tarah 3 martba dam karen aur bachche se kahen ke nakhon ke andar tik tik bandh kar dekhen,
pahle usay apna chehra nazar aayega,uske ba,ad hukam lagaye medaan hazir ho jao.bache ko medan nazar aayega.jab medan dikhen to hukm lagayen zadu wala hazir ho jab nazar aayen to usay medan saaf karne ka hukam de.phir paani chhirakne wala(bhishti)ko bulayen aur usay pani chhirakne ka hukam de.uske ba,ad bichhona wale ko bulao aur bichhane ka hukam de.phir hukam lagaye takht shahi aur kursia bichhay jayen.jab bacha kahen ki takht aur kursia rakhdi gayi he to hukam karon ki Badshah e waqt hazir hon.
koi buzurg safed ya haren(green) ya surkh(laal) libas me aayenge.
agar laal(red)libas pahna ho to adab se 3 martba salaam karen aur haren ya safed libas me aanay ki arz karen.jab safed ya haraa libas pahn kar aayen to 3 salaam karen.woh hath ya sar hila kar ishare se jawab denge.salaam ka jawab de to apne sawal ki ijazat mange aur kahen hazrat ham kuchh puchhna chahtay hai,uska sahih jawab milega?
jab wo ha kahen to ek black bord aur chok mangwayen aur aap jo bhi zaban jante ho uss zaban me jawab likhxe ka kahen.wo uss zaban me jawab likh kar batayenge.
aur agar door ka mamla ho aur wahan ka haal malum karna hoto gaadi mangwayen aur bache ko uss gaadi me sair karane ka hukam de.door door ke sehar gaon ya jagah ki sair karayenge.aur wahan jo jo hoga wo bache ko dikhay dega.isi tarha har mamlay ka haal maloom kar saktay hai.jaise marz ka sabb,aaseb,balaa ya jaadu.sab haal malom ho jayega.
siway na jaez aur haraam chizon ke aur baaton ke,har kism ka haal maloom hoga.
es hazirat me jino ke 4 badshah hazir hotay hai.jab hazir honge tab nam puchhnay pe wo likh kar batayenge.
ye badshahe waqt 4 hain

1. Badshah Baktanus
2. Badshah Meimun jangi
3.Badshah fameel shah
4.Badshah Mahammad shah
NOTE:
jab laal libas me aayen to koi sawal n punchhay ki wo gussay me hote hai.haray ya safed libas me aayen tab hi sawal punchhay.
aur kaale libas me aayen to shaitan hai.unhay wapis jaanay ka hukm de.
jin balaa ka mamlaa ho to pahle bache aur apna 11x aayetal kursi parhkar hisar karle.
ye hazirat bahot sahih jawab deti he

Tuesday, February 7, 2012

¥ LET'S START HAZIRAAT ¥

Kajal banay ke liye jo chizen chahiye wo likhta hoon.

* 12 adad kafoor(menthol) ki tikia

* rose water

* 2 china plate

* rooy

* machis

* heena itar

* ek chhoti dibbi kajal bhar nay ke liye

¥ TARKEEB ¥

Kafoor ki tikia ko rose water me 72 ghante bhigo kar rakh day.
72 ghante ba,ad uss pani ko ek china plate me nikale aur uss me rooy
ki batti bhigo de.
Ek plate ko usske upper ulta tang day.es tarha ki jab wo batti ko
jalaye to uska dhoaa uss plate par lagay.
Ab batti ko machis se bismilla....,parh kar jala day.khyal rakhye ki
uthnay wala dhoaa achhi tarha palate par lagay taki zyada kajal hasil
hon.
Jab poora paani aur batti jal jaye tab plate ko thanda honay day.kuchh
dair ba,ad jab plate thandi ho jaye toa uss plate ka saraa kajal jo
dhoaa lagnay ki wajeh se banaa hai,ussay ahtiyat say nikal kar dibbi
me bharlay aur uss me kuchh katre heena itar dalay.lekin khyal rakhye
ki zyada n dalde.bas,utna dalay ki kajal ki pest taiyar ho jaye.
Bas,kajal baray haziraat taiyar hain.
Ab 3 din ka apko waqt day rahan hoon.kajal taiyar kar rakhen phir amal
haziraat ki parhai jo uss kajal par karni hain,wo bataonga...!
Inshallah.

Muz faqir k haq me dua kijyega.
W sallam

--
Sent from my mobile device

Saturday, February 4, 2012

MUBARAK


DHOOM MACHADO AAMAD KI


JASHNE EID MILADUN NABI SALLALLAHU ALAYHI W SALLAM


MUBARAK
HO

ROHANIAMLIAT: Rohani amliat

ROHANIAMLIAT: Rohani amliat: Rohani amliat agar sahih rahnumai me kia jaye to mushkil nahi. -plese contact me if you really want to learn.

Wednesday, January 4, 2012

INVOCATION RITUALS

rohanihaziraat: INVOCATION RITUALS: There are many rituals to conjure/invoke jinn. Rituals can be provided where one can see and communicate with Jinns/Mukhals via Self, Naqs...